Arsenali fiton derbin ndaj Manchester Unitedit

Mesfushori shqiptar ka luajtur për 90 minuta

Derbi i javës së 21-të në Premier Ligë ndërmjet Arsenalit dhe Manchester Unitedit i ka takuar ekipit vendas.

“Topçinjtë” shënuan fitore prej 2:0.

Ishte Nicolas Pepe ai që i dha epërsinë Arsenalit duke shënuar në minutën e tetë pas një aksioni shumë të bukur.

Kurse epërsinë e dyfishoi mbrojtësi grek Sokratis pas një tollovie në zonën e rreptësisë në minutën e 42, përcjell Albinfo.ch.

Mesfushori shqiptar, Granit Xhaka ka luajtur 90 minuta dhe ka zhvilluar një ndeshje shumë të mirë.

---