Asnjë deputet shqiptar në Kuvendin e Serbisë

Deputeti i vetëm shqiptar, në përbërjen e fundit parlamentare në Serbi, ishte Riza Halimi i PVD-së

Zgjedhjet paralamentare në Serbi, nuk kanë qenë të frytshme për shiptarët e Luginës së Preshevës. Në Kuvendin e ri serb nuk do të ketë deputet shqiptatë, por do të jenë katër parti të pakicave.

Lista e shqiptarëve të Luginës së Preshevës ka arritur të mbledhë vetëm 0,30 për qind të votave, që nuk është mjaftueshëm për ta kaluar pragun prej 0,40 për qind.Deputeti i vetëm shqiptar, në përbërjen e fundit parlamentare në Serbi, ishte Riza Halimi i PVD-së.

PVD-ja në zgjedhjet parlamentare dhe ato lokale ka dalë më pak e votuar. Kryetari i PDSH-së, Ragmi Mustafa ka theksuar se shqiptarët mbetën pa deputet për shkak të dobësimit së partisë së Halimit, raportojnë mediet kosovare.

Ai ka konfirmuar se partia e tij i ka fituar bindshëm zgjedhjet dhe do të konstituojë në Preshevë një kuvend komunal ‘qind për qind’ shqiptar.