Austria e klasifikon Kosovën në “Listën e gjelbër”

Udhëtarët nga vendet e “Listës së gjelbër” do të mund të hyjnë në Austri pa karantinë nëse kanë një certifikatë vaksinimi me vaksina të njohura nga Agjencia Evropiane e Barnave

Austria ka vënë Kosovën në “Listën e gjelbër” epidemiologjike ndërsa dekreti do të hyjë në fuqi nga e enjtja, shkruan Albinfo Austria.

Udhëtarët nga vendet e “listës së gjelbër” do të mund të hyjnë në Austri pa karantinë nëse kanë një certifikatë vaksinimi me vaksina të njohura nga Agjencia Evropiane e Barnave si Pfizer, Moderna, Astra Zeneca dhe Johnson & Johnson – dhe Organizata Botërore e Shëndetësisë (OBSH) – Sinofarm Kinez dhe Sinovak.

Ndërkaq autoritetet austriake nuk pranojnë Sputnikun rus.

Ata që nuk kanë një certifikatë vaksinimi, duhet të kenë me vete një certifikatë të COVID-19, ose një test negativ PCR ose antigjen.

Pasagjerët që vijnë nga vendet e listës së gjelbër, në këtë rast edhe Kosova nga e enjtja, nuk duhet të plotësojnë regjistrimin elektronik para udhëtimit.

 

---