BAG: Brenda një jave, numri i pacientëve në kujdesin intensiv bie për 26%

BAG raporton 6 raste të reja të vdekjes në javën që shkoi. Mesatarja 7-ditore është 1 vdekje në ditë

Zyra Federale e Shëndetit Publik (BAG) ka raportuar sot 6941 raste të reja që rezultuan pozitive me koronavirus gjatë javës së fundit. Kjo e vendos mesataren 7-ditore në 945 ose 22 për qind më pak se në javën e kaluar.

Incidenca 14-ditore aktualisht është 195.62.

BAG raporton 99 pranime të reja në spital, mesatarja 14-ditore e të cilave është 14 në ditë, transmeton albinfo.ch. Aktualisht 312 persona po trajtohen në spital për Covid-19 që është 17 për qind më pak se në javën e kaluar, shkruan srf.ch.

Në terapi intensive tani ndodhen 20 pacientë me Covid-19 në ose 26 për qind më pak krahasuar me javën e kaluar, përcjell albinfo.ch. Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht 69 për qind të zënë. 2 për qind e shtretërve të kujdesit intensiv janë të zënë nga pacientët me Covid 19.

BAG raporton 6 raste të reja të vdekjes në javën që shkoi. Mesatarja 7-ditore është 1 vdekje në ditë.

---