Kush e “kalli” të shtunën në “Rinora 4”?

Nuk ishin këngëtarët ata që ngritën atmosferën në maksimum vikendin e kaluar në “Rinora 4”. Ishte një tjetër mysafir special i cili u paraqit befasisht para publikut

Diskoteka më e njohur shqiptare në Zvicër, në fundjavën e kaluar kishte organizuar dy net radhazi mbrëmje “kuq e zi”. Për të argëtuar të pranishmit ishin këngëtarët Flori dhe Elvana Gjata të cilët promovuan edhe këngën më të re të tyre “Kuq e Zi”.

Por përveç komentatorit të njohur sportiv Dritan Shakahoxha, edhe më kuq e Zi e bëri paraqitja befasuese e te ashtuquajturit “ballistit”-Ismail Morina. Ende pa dalë në skenë, Ballisti lëshoi në diskotekë dronin e famshëm më çka ngriti në këmbë të gjithë të pranishmit. “Ishte një natë e mrekullueshme. Rroftë Shqipëria”, tha shkurtë për “Albinfo.ch”, ballisti, Ismail Morina.

E gjithë kjo mbrëmje koincidonte me ditën e procesit gjyqësor në Lozanë të Zvicrës e cila zhvillohej për ndeshjen e futbollit Serbi – Shqipëri të luajtur në muajin tetor të vitit të kaluar, nga ku pas skandalit që u bë në fushë, Shqipëria pret nga CAS të ia jep tri pikët e merituara.

Kjo mbrëmje ishte organizuar nga “Digitalb.ch” dhe “Rinora 4”. “Ishte hera e parë që “Digitalb” në bashkëpunim me “Rinora 4” organizuan një mbrëmje të tillë. Ishte mbrëmje e shkëlqyer”, tha për “albinfo.ch” Argjent Muqa, përfaqësues i “Digitalb” për Zvicër.

Foto:Burim Muqa- Albinfo.ch