BE ndan 400 milionë euro për gratë fermere në Shqipëri

Bashkimi Europian ka adresuar një mbështetje financiare në vlerën 400 mijë euro për fuqizimin e grave rurale në sipërmarrje.

Ministria e Bujqësisë dhe Zhvillimit Rural bën të ditur se, kontributi i Bashkimit Europian në sektorin e bujqësisë shqiptare është shtrirë edhe në mbështetjen e grave në incetivë (WN) në zonat rurale, raporton atsh, përcjell Albinfo.ch.

Krahas politikave dhe projekteve të ndryshme, që qeveria ka injektuar në mbështetje të vazhdueshme për të nxitur rolin e gruas në aktivitetin rural, si faktor në rritjen dhe përmirësimin e ekonomisë bujqësore

Mbështetja e BE-së, është fokusuar në  trajnimin dhe fuqizimin e organizatave komunitare mbi barazinë gjinore dhe të drejtave të grave, në tri bashkitë e vendit, Tropojë, Vaun e Dejës dhe Pukë.

Konkretisht BE ka adresuar mbështetje financiare për grupet komunitare të grave me fokus prodhimet bujqësore dhe të agroturizmit, trajnimin e personalit të bashkive për ligjin e barazisë gjinore dhe zbatueshmërinë në nivel vendor dhe advokatim për përmirësimin e politikave me fokus nevojat dhe të drejtat e grave në këto 3 bashki.

Gruaja është faktor i fuqishëm në zhvillimin e bujqësisë dhe kapërcen numrin e meshkujve si menaxhere e fermave bujqësore. Gratë në bujqësi zënë pjesën më të madhe të fuqisë punëtore, por edhe në aspekt menaxherial luajnë rol të rëndësishëm, ndaj dhe mbështetja e tyre ka impakt të drejtëpërdrejtë në zhvillimin e ekonomisë në tërësi.