Behrami,, i lumtur me fitoren

“I lumtur që kemi filluar me tre pikë, por më i lumtur për respektin e dy skuadrave në fushë”, ka shkruar Behrami në “Twitter”

Mesfushori i Zvicrës, Valon Behrami ka thënë se është shumë i lumtur me fitoren kundër Shqipërisë dhe tre pikët e para, shkruan albinfo.ch.

Ai po ashtu është i lumtur edhe për respektin ndërmjet dy skuadrave në fushë. “I lumtur që kemi filluar me tre pikë, por më i lumtur për respektin e dy skuadrave në fushë”, ka shkruar Behrami në “Twitter”. Behrami ishte njëri ndër futbollistët që u vërshëllye nga tifozët shqiptarë, derisa është duartrokitur nga ata zviceranë.

Pas fitores ndaj Shqipërisë, Zvicra ka grumbulluar tri pikë aq sa ka edhe Franca, derisa kuqezinjtë dhe Rumania janë pa pikë.