Beograd: Marnjak u takua me ministrin serb, Daçiq

Ministri i brendshëm i Serbisë, Ivica Daçiq, dhe shefi i misionit të BE-së në Kosovë, Ksavije de Marnjak, janë angazhuar për përparimin e bashkëpunimit me qëllim luftimin e kriminalitetit dhe ngritjen e nivelit të sigurisë së përgjithshme në Serbi dhe në Kosovë. Në takimin Daçiq – Marnjak, është konstatuar se ekziston bashkëpounimi, i cili duhet të përparojë, veçanërisht për detyrat policore.

Daçiq ka thënë se interes i Serbisë është që misioni EULEKS të jetë sa më i suksesshëm dhe të ndihmojë në ruajtjen e paqes dhe stabilitetit në Kosovë, duke vlerësuar pozitivisht aktivitetetet në luftimin e kriminalitetit. Shefi i EULEKS-it, de Marnjak, ka përshëndetur bashkëpunimin e deritashëm dhe ka paraqitur synimin, që në të ardhmen ky mision të jetë më i pranishëm në pjesën veriore të Kosovës.