Berat Sadiku dëshiron të luajë për Kosovën

Shqiptari me origjinë nga Shkupi, i cili me sukses po luan për skuadrën zvicerane Tun, mund të braktisë përfaqësuesen e Finlandës për atë të Kosovës

“Për Finlandën i kam kaluar të gjitha grupmoshat, ndërsa për A reprezentacionin kam debutuar në vitin 2008 dhe deri tani kam pasur shtatë paraqitje. Çuditërisht prej muajit mars të këtij viti nuk kam marrë ftesë, përkundër faktit se te skuadra e Tunit po kaloj një sezon shumë të mirë.

Në fakt, kjo u ka rënë në sy edhe mediave zvicerane dhe atyre finlandeze, të cilët vazhdimisht më pyesin pse nuk po luaj. Mirëpo, unë e respektoj vendimin e trajnerit të Finlandës, ndërsa e imja është të dëshmoj veten në fushën e gjelbër. Megjithatë, atë që dua të them se në të ardhmen mund të luaj për përfaqësuesen e Kosovës. Kam të drejtë të luaj për këtë përfaqësuese, ndërsa për këtë kam biseduar me seleksionuesin Albert Bunjaku. Atë ditë kur Kosova edhe zyrtarisht do të marrë pjesë në kualifikimet për Kampionatin Evropian ose Botëror, unë mund do të vij dhe të luaj”, thotë Sadiku për gazetën  “KOHA” në Shkup.

Pas periudhës së shkëlqyer te Lahti, në sezonin 2011/12 Sadiku transferohet te Arminia Bilefilld, mirëpo dy vjet sa ishte pjesë e këtij ekipi Sadiku nuk shënoi asnjë gol, ndërsa klubi u largua nga Bundesliga.

Nga sezoni 2011/12 është pjesë e skuadrës zvicerane Tun, duke bërë një progres të madh, ku nga 57 paraqitjet sa ka deri më tani, ka shënuar 17 gola, prej tyre 8 këtë sezon.

Kontratat e Sadikut me Tunin skadon pas gjashtë muajve.

Drejtuesit e klubit i kanë ofruar rinovimin e kontratës, por për këtë përkujdeset menaxheri i Sadikut.

Berat Sadiku dëshiron të luajë përsëri në Gjermani.

Ndryshe, Sadiku me prejardhje është nga Shkupi, lagjja Gazi Babë, ndërsa nga mosha 3-vjeçare bashkë me familjen e tij tani jetojnë në Finlandë, ndërsa hapat e parë me futbollin i ka bërë pikërisht në këtë shtet.