Britania e Madhe vendos sanksione edhe ndaj Bjellorusisë

“Regjimi i Lukashenkos mbështet aktivisht pushtimin e paligjshëm të Ukrainës nga Rusia prandaj do të ndjejë pasojat ekonomike të mbështetjes së tij për Putinin”

Britania e Madhe ka vendosur sanksione ndaj një numri njerëzish dhe organizatash në Bjellorusi për shkak të rolit të këtij vendi në luftën që po zhvillohet në Ukrainë, kanë raportuar sot në mbrëmje mediat britanike.

Janë sanksionuar me këtë rast shefi i shtabit të përgjithshëm të Bjellorusisë dhe tre përfaqësues të tjerë të rangut të lartë të udhëheqjes ushtarake si dhe dy kompanive ushtarake, ka thënë sot ministria e jashtme britanike, transmeton albinfo.ch.

“Regjimi i Lukashenkos mbështet dhe inkurajon në mënyrë aktive pushtimin e paligjshëm të Ukrainës nga Rusia dhe për këtë arsye do të ndjejë pasojat ekonomike të mbështetjes së tij për Putinin”, tha në një deklaratë sekretarja e jashtme britanike Liz Truss.

Meqë vendimi ka hyrë në fuqi menjëherë, të prekurit nuk mund të udhëtojnë më në Britaninë e Madhe dhe çdo pasuri e tyre në vend do të ngrihet.

---