PJ Harvey përshkruan gjendjen e refugjatëve me pamje nga Kosova

Videoklipi i këngës “The Wheel” të këngëtares britanike PJ Harvey është një koment poetik i krizës së refugjatëve.

Në videoklipin e kësaj kënge këngëtarja ka futur disa imazhe nga pjesët rurale të zonës së luftës në Kosovë, si dhe përshkruan krizën e refugjatëve.

Në klipin e 46-vjeçares shihen fëmijë duke kërcyer nëpër grumbuj plehrash, familje të cilat marrin arratinë si dhe pamje të varfra nga para dhe pas luftës, shkruan revista zvicerane annabelle.ch.

“Janë imazhe emocionuese, të cilat këngëtarja i ka përdorur në videoklipin e saj”, përcjell albinfo.ch.

Për realizimin e kësaj videoje këngëtarja ka udhëtuar së bashku me regjisorin dhe fotografin në Kosovë. “Ishte për mua shumë e rëndësishme që të isha në atë vend, i cili më inspiroi. Doja ta shijoja atë ajër, të shkel vetë me këmbët e mia atë tokë, të bisedoj me njerëzit”.

Ky është videoklipi që i paraprinë albumit më të ri të këngëtares, i cili do të dalë më 15 prill në shitje.