Burri që vrau gruan në Pejë, ishte i dënuar për dhunë në familje me 400 euro gjobë

E.L, i arrestuar nën dyshimet për vrasjen e gruas së tij, Gj.U., gjatë së martës në Pejë ishte i dënuar për dhunë në familje.

Në vitin 2022 ai ishte dënuar me 400 euro gjobë nga Gjykata Themelore e Pejës.

“Ju njoftojmë se i njejti me Aktgjykimin e Gjykatës Themelore në Pejë – Departamenti i Përgjithshëm, ttë datës 01.02.2022, është shpall fajtor për vepër penale dhuna në familje nga neni 248 par.1 të KPRK-së, për të cilën vepër I është shqiptuar dënim me gjobë në shumë prej njëqind (100) euro, të cilën gjobë është obliguar që t’a paguaj në afat prej tre (3) muaj pas plotfuqishmërisë së aktgjykimit si dhe dënim me burgim në kohëzgjatje prej tre (3) muaj, I cili dënim me kërkesën e të pandehurit I është zëvendësuar me dënim me gjobë në shumë prej treqind (300) euro, e të cilin dënim është obliguar t’a paguaj jo më vonë se tre (3) muaj pasi aktgjykimi të bëhet i plotfuqishëm”, thuhet në përgjigjen e Gjykatës./TCH