Chollet bisedon me Vuçiqin para takimit të nesërm, pret progres nga takimi

Këshilltari i Departamentit të Shtetit, Derek Chollet, ka thënë se pret që takimi i nesërm në Bruksel të jetë konstruktiv, me progres të dukshëm drejt marrëveshjes.

Këshilltari i Departamentit të Shtetit, Derek Chollet, ka thënë se pret që takimi i nesërm në Bruksel të jetë konstruktiv, me progres të dukshëm drejt marrëveshjes.

Chollet bisedoi me presidentin e Serbisë, Aleksandër Vuçiq, të cilit ia shprehu mbështetjen e plotë për propozimin evropian për normalizimin e marrëdhënieve në mes të Kosovës dhe Serbisë, përcjell Albinfo.ch.

Diplomati amerikan, duke i përcjellë kryetarit serb qëndrimet e Uashingtonit zyrtar para takimit të nesërm në Bruksel me kryeministrin e Kosovës, Albin Kurti, theksoi se “marrëveshjet e nënshkruara më parë në procesin e dialogut duhet të zbatohen, që nënkupton edhe themelimin e Asociacionit të komunave me shumicë serbe”./Albinfo.ch

---