Cilin futbollist shqiptar e kërkon Bazeli?

Anësori Bernard Berisha është një nga yjet e Shqipërisë i cili ende luan në atdheun e tij. Megjithatë pritet që 24 vjeçari nga KF Skënderbeu i Korçës me të cilin ekip luan në ligën e Evropës të gjejë rrugën jashtë vendit. Ai po kërkohet nga shumë ekipe, dhe mundet që në dimër të braktisë ekipin shqiptar, shkruan fussball.ch

Gazetat zvicerane duke u bazuar në mediat shqiptare konfirmojnë se disa ekipe janë të interesuara për shërbimet e futbollistit shqiptar. Ofertat më konkrete tash për tash janë nga Lokomotiva e Moskës dhe FC Bazel i Zvicrës, përcjell “albinfo.ch”

Sipas medieve zvicerane, futbollisti konsiderohet me tipare të lojtarit Xherdan Shaqiri. Ai është trupshkurtër, por ka shpejtësi të jashtëzakonshme dhe driblon shumë mirë me topin. Po ashtu është një lojtar me rrezikshmëri të madhe para portës së kundërshtarit.