Lajme
Cyrih: 17 piktorë e skulptorë shqiptarë ekspozojnë punimet e tyre artistike
Ekspozita e cila hapi siparin dje (26 janar 2024) mund të vizitohet deri më 1 mars
![](https://www.albinfo.ch/wp-content/uploads/2024/01/422974619_713477147593864_2700808545305061773_n-474x396.jpg)
Duke filluar nga mbrëmë, në Spreitenbach të Kantonit Aargau, punimet e 17 piktorëve e skulptorëve shqiptarë qëndrojnë të ekspozuara në ambientet e ndërtesës së re të komunës, të këtij qyteti. Më saktë, në mbrëmjen e tëpremtes, 26 janar është bërë vernisazhi (hapja) e kësaj ekspozite.
Hapja e një ekspozite të këtyre përmasave nuk është një ngjarje që ndodh shpesh prandaj edhe prania e autoriteteve të komunës ashtu si dhe e atyre nga përfaqësitë diplomatike (Shqipëri dhe Kosovë) ishte e nivelit të lartë. Kështu, këtë aktivitet e kishin nderuar kryetari i komunës Spreitenbach, Markus Mötteli dhe nënkryetarja, njëherësh përgjegjëse për kulturë e komunës, Doris Schmid, shkruan albinfo.ch.
Po ashtu, në hapje mori pjesë dhe Ambasadori i RSh-së në Bernë, z.Mustafa Nano, i shoqëruar nga Sekretari i Parë, z.Valon Gashi, Sekretarja e Parë e Ambasadës së Republikës së Kosovës, znj. Shukrije Ramadani, Konsulli i Kosovës në Cyrih, z. Vigan Berisha, konsulli i Kosovës në Gjenevë, z. Rexhep Bajraktari etj.
Ekspozitën e ka shpallur të hapur, me një fjalë përshëndetjeje, kuratori i saj, artisti zviceran, Salvatore Mainardi. Ai me këtë rast ka folur për specifikat e kësaj ekspozite, me një numër kaq të madh të autorëve, që nuk është shumë e zakonshme për të, si kurator dhe për një ambient si ky në të cilin është hapur ekspozita.
Për këtë arritje, Mainardi ka falënderuar autoritetet komunale për mirëkuptimin e treguar, duke lënë në dispozicion një hapësirë të madhe, prej tre katesh, të ndërtesës moderne të komunës.
Ai ka falënderuar po ashtu edhe artistin e njohur Abudasemd Sadriun (Dussi), për ndihmën që i ka dhënë në organizimin e kësaj ekspozite përmassh të mëdha, gjegjësisht në përzgjedhjen e artistëve pjesëmarrës.
Emrat e artistëve që marrin pjesë në këtë ekspozitë, me pikturat gjegjësisht skulpturat e tyre
Ekspozitat e punimeve të artistëve shqiptarë në Zvicer, padyshim kanë për qëllim promovimin e kulturës dhe identitetit, por dhe artit në përgjithësi, duke sjellë përpara publikut zviceran historinë, traditën dhe vlerat kulturore të vendeve të origjinës. Ky përfaqësim i artit në një vend tjetër, si Zvicra shërben edhe si një formë e diplomacisë kulturore.
Ekspozimi i veprave të 17 artistëve shqiptarë nga Shqipëria, Kosova, Maqedonia e Lugina e Preshevës në Galerinë e qytetit të Spreitenbach, e cila hapi siparin dje (26 janar 2024) dhe do të qëndrojë e hapur deri më 1 mars, mund të kontribuojë edhe në ndërtimin e kontakteve dhe marrëdhënieve pozitive ndërmjet Shqipërisë, Kosovës dhe Zvicrës.
Këto ekspozita ndërkombëtare japin mundësinë për piktore shqiptarë të ndajnë talentin e tyre me një audiencë më të gjerë. Kjo mund të çojë në njohjen e tyre ndërkombëtare dhe rritjen e vlerës së tyre në skenën artistike globale.
Orari i ekspozitës:
E hënë: 8:30 – 11:30 dhe 13:30 – 18:30
Të martën deri të enjten: 8:30 – 11:30 dhe 13:30 – 16:00
Të premten: 8:30 – 15:00
Adresa: Gemeindegallerie, Bahnhofstrasse 28, 8957, Spreitenbach
![](https://www.albinfo.ch/wp-content/uploads/2024/01/ekspo-spreitenbach.jpg)
![Mund të jetë art në lidhje me: 7 persona dhe turmë](https://scontent.fprn13-1.fna.fbcdn.net/v/t39.30808-6/422971617_713477314260514_2671433369521173622_n.jpg?stp=cp6_dst-jpg&_nc_cat=104&ccb=1-7&_nc_sid=dd5e9f&_nc_ohc=3-Jmn5ebo7sAX9aMcdw&_nc_ht=scontent.fprn13-1.fna&oh=00_AfBoJoIluCOUCnVHHE05ky9Z4SzrdkCkxi8K7QI88WrYHg&oe=65B95EBC)
![](https://www.albinfo.ch/wp-content/uploads/2024/01/kspo-2-spreitenbach.jpg)
![Mund të jetë art në lidhje me: 8 persona dhe turmë](https://scontent.fprn13-1.fna.fbcdn.net/v/t39.30808-6/422972816_713477337593845_7059778991894101774_n.jpg?stp=cp6_dst-jpg&_nc_cat=107&ccb=1-7&_nc_sid=dd5e9f&_nc_ohc=G5P7sOcYYQkAX8aaJl-&_nc_ht=scontent.fprn13-1.fna&oh=00_AfCiZi-UmJ0DjTlsI9LbdoclH-sP3YdVQ6kkEZDD0kctJQ&oe=65BA1E13)
![Mund të jetë art në lidhje me: 5 persona](https://scontent.fprn13-1.fna.fbcdn.net/v/t39.30808-6/422973674_713477297593849_7335707897620367133_n.jpg?stp=cp6_dst-jpg&_nc_cat=103&ccb=1-7&_nc_sid=dd5e9f&_nc_ohc=PVYr_sPUU4kAX9h5QtB&_nc_ht=scontent.fprn13-1.fna&oh=00_AfBNjDpfIp1u_wayQdqH0ToJGCnTI2Qf4dbtmyswObnhTw&oe=65B946CE)
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n