Cyrih: Arrestohet një amerikan për sulme me thikë

pixabay

Një shtetas amerikan 38-vjeçar mësohet se ka goditur me thikë dy persona në lagjet 5 dhe 1 me një interval prej një ore mëngjesin e së mërkurës, duke u arratisur pas çdo sulmi, përcjell albinfo.ch.

Lëndimet e viktimës së parë ishin mjaft të rënda për të kërkuar kirurgji urgjente, tha policia e Cyrihut në një njoftim për shtyp.

Bazuar në përshkrimet e dëshmitarëve, i dyshuari, identiteti i të cilit përtej kombësisë dhe moshës së tij nuk është bërë i ditur, u kap menjëherë pas sulmit të dytë dhe tani është nën hetim për “krim të rëndë të dhunshëm”.

Policia po kërkon nga personat që kanë qenë dëshmitarë të njërit prej sulmeve të telefonojnë në numrin (058) 648-4848.