Dallku largohet si legjendë nga Ukraina

Pas 11 viteve Armend Dallku është larguar nga Vorskla Poltava, derisa tifozët dhe klubi e kanë përshëndetur në mënyrë madhështore

Mbrojtësi kosovar, Armend Dallku është larguar përfundimisht nga Ukraina, përkatësisht nga Vorskla Poltava. Ai qëndroi në skuadrën ukrainase për 11 vjet, shkruan albinfo.ch.

Ai është përshëndetur në mënyrë madhështore nga tifozët e kësaj skuadre dhe klubi, duke e konsideruar si legjendë. Ai bëri 336 paraqitje për këtë skuadër.

Ai e nisi karrierën në Vushtrri, pastaj kaloi në Prishtinë dhe më pas u transferua tek Elbasani. Në këtë mënyrë arriti të tërheqë vëmendjen e Vorskla Poltava dhe u transferua aty në vitin 2005.

Dallku ka edhe 64 ndeshje me Shqipërinë dhe një gol të shënuar. Ai u pensionua zyrtarisht në ndeshjen miqësore Kosovë-Shqipëri.