Dënohet një britanik dhe një shqiptar, për trafikimin e shqiptarëve

Për 42-vjeçarin Jonathan Bridgeman gjykata vendosi 30 muaj burg, ndërsa për 35-vjeçarin, Deshan Laçi 36 muaj burg

Jonathan Bridgeman 42-vjeçar dhe Deshan Laçi 35-vjeçar janë dënuar nga një gjykatë angleze, pasi tentuan të trafikonin 14 shqiptarë, emigrantë të paligjshëm, shkruan e përditshmja britanike ‘The Sun’.

Për 42-vjeçarin Jonathan Bridgeman gjykata vendosi 30 muaj burg, ndërsa për 35-vjeçarin, Deshan Laçi 36 muaj burg. Skafi ishte bërë enkas për të futur 14 shqiptarët, përcjell albinfo.ch.

Ata mbetën mes detit, pasi mjetit lundrues i mbaroi karburanti. Jonathan Bridgeman dhe Deshan Laçi, do të merrnin nga 10 mijë funte për dërgimin e grupit, duke përfshirë dhe një 14-vjeçar, nga Dieppe për në Eastbourne.

Po ashtu, mësohet se ky plan, i projektuar që prej vitit 2014, ku nga Franca shqiptarët do të shkonin në Angli përmes një skafi. Laçi ishte shtetas britanik lindur në Shqipëri dhe ishte pronar i një autolarje në Britani.