Dënohet shqiptari që theri me thikë bashkëkombësin e tij

Shqiptari 26-vjeçar është dënuar me gjashtë muaj, për shkak se theri me thikë një bashkëkombës, për arsye banale, një telefon

Një shqiptar 26-vjeçar është dashur të dalë para gjykatës porote  në Minden për shkak se kishte therur me thikë një bashkëkombës në prill të këtij viti, shkruan ‘tag24.de’.

I akuzuari ka përshkruar në detaje gjendjen e tij. Në vitin 2009 ka qenë pre e një sulmi me thikë. Që nga ajo kohë ai vuan nga depresioni, përcjell albinfo.ch.

Në Gjermani, gjendja e tij nuk përmirësohet. Pasi disa të panjohur kishin hyrë në shtëpinë e tij, ankthi i tij ishte edhe më i keq. Një mosmarrëveshje çoi në rastin e përmendur.

Shkak ishte bërë një telefon i shitur nga viktima Tarik K., por që ishte i dëmtuar.

I pandehuri u takua me një grup shqiptarësh në mbrëmje, ku në mesin e tyre ishte edhe viktima Tarik K. Aty filloi një luftë me grushte, derisa i pandehuri ka nxjerrë një thikë, duke e goditur viktimën që pësoi lëndime të rënda. Ai ka thënë se nuk e di sesi ka ndodhur ngjarja, derisa ishte në ankth për shkak të gjakut. Shqiptari u dënua me gjashtë muaj.