Deputetët kosovarë kërkojnë zgjidhje për pensionistët

Deputetët e Kosovës, kan debatuar për problemet që kanë pensionistët

Deputetët nga thuaja i gjithë spektri politik i përfaqësuar në Kuvend theksuan pozitën tepër poshtëruese materiale të atyre që me sakrifica, dije e përkushtim e nxorën vendin nga okupimi.

Në Kuvendin e Kosovës u rishtrua për shqyrtim gjendjen e pensionistëve dhe invalidëve të punës.  Ky debat është rekomanduar nga Komisioni për të Drejtat e Njeriut, Barazi Gjinore, Persona të Pagjetur dhe Peticione.

Pensionistët përmes një peticioni kanë kërkuar që pensionet e tyre të jenë sa 60 për qind e rrogës mesatare në vend.

Por, Ministri i Punës dhe Mirëqenies Sociale, Nenad Rashiq shfaqi skepticizëm për mundësitë materiale të vendit në realizimin e kësaj kërkese.

Ndërsa deputetët e opozitës, por edhe nga pozita, ishin të zëshëm në kërkesat që të gjendet një zgjidhje dhe pensionistëve t’u kthehet dinjiteti i nëpërkëmbur.