Deri në 30 cm borë ka ranë këtë fundjavë në disa zona malore të Zvicrës

13 ashensorë të skive në zonën Breuil-Cervinia (VS), në Matterhorn, nga sot janë në shërbim

Një shtresë bore 30 cm tashmë është vendosur mbi disa zona malore të Zvicrës, të cilat po mundësojnë nisjen e skijimit, përcjell albinfo.ch.

Edhe pse disa vendpushime kishin shprehur shqetësimin se tetori jashtëzakonisht i ngrohtë do të vononte hapjen e pistave të skive për shkak të mungesës së borës, rezulton se nuk është kështu – të paktën në disa zona.

Deri në 30 cm borë ranë këtë fundjavë mbi 2000 metra, duke lejuar që disa resorte të hapen tashmë.

Për shembull, 13 nga 31 ashensorët e skive në zonën Breuil-Cervinia (VS), në Matterhorn, janë në shërbim.

Dy vendpushime të vendosura gjithashtu pranë një akullnajeje, Saas Fee (VS) dhe Engelberg (OW), hapën gjithashtu pjesë të zonave të tyre të skive, përveç Schilthorn, në Bernese Oberland dhe Diavolezza, në Engadine (GR).

Siç është paralajmëruar tashmë, skiatorët mund të presin çmime më të larta në vitin 2023.

Para 2 ditësh ka rënë bora e parë në Zvicër për këtë vit, përkatësisht në komunën Celerina të kantonit Graubunden, përcjell tutje albinfo.ch.

Siç raporton gazeta zvicerane Blick, një shtresë bore ishte vendosur mbi fshat.

Siç tregojnë pamjet, të cilat janë publikuar nga Blick, në këtë fshtat bora po binte edhe gjatë mëngjesit.

 

 

---