Shqiperia
Dikur hyri ilegalisht në Britani e tha se iku nga lufta në Kosovë, sot ambasador i Shqipërisë në Britani
Media e njohur britanike “Daily Mail” ka shkruar një profil të ambasadorit të ri të Shqipërisë në Britani, Uran Ferizi.
Rrëfimi nis me kohën kur ai arriti ilegalisht në Angli në vitin 1998, duke pretenduar se ishte kosovar që ka ikur nga lufta, teksa ka dhënë edhe një datë të rreme të lindjes.
Burime të shumta kanë konfirmuar se Ferizi ka mbërritur në Britaninë e Madhe si një migrant ilegal – pa asnjë dokument identifikimi kur ai erdhi në Dover, duke pretenduar rrejshëm se ishte duke ikur nga lufta në Kosovë. Ai u lejua të qëndronte derisa çështja e tij vlerësohej.
Të dhënat publike tregojnë se ai u martua me një grua britanike të quajtur Sarah Lennon në Hammersmith, West London, në maj të vitit 2000.
Në bazë të kësaj martese, atij iu dha leje e pacaktuar për të qëndruar në Mbretërinë e Bashkuar tre vjet më vonë.
Pavarësisht se nuk ka punuar kurrë në shërbimin diplomatik, ai u propozua për postin prestigjioz të ambasadorit nga qeveria shqiptare në qershor. Burimet thonë se ai ka një marrëdhënie të ngushtë me udhëheqjen socialiste të vendit.
Sipas CV-së së tij në internet, Ferizi është një matematikan dhe i njeh shkencat kompjuterike, si dhe ka studiuar në Universitetin e Oxfordit dhe Kolegjin Universitar në Londër.
Kundër emërimit të tij ambasador ka dalë ish-ministrja e Jashtme e Shqipërisë, Edith Harxhi.
“Nuk është e drejtë diplomatikisht, moralisht apo etikisht që dikush që ka hyrë ilegalisht në Mbretërinë e Bashkuar të emërohet ambasador. Kriza e migracionit duhet marrë seriozisht”, ka thënë ajo.
Ndërsa në cilësi të ambasadorit të ri të Shqipërisë në Mbretërinë e Bashkuar, Uran Ferizi tani do të punojë me Qeverinë për të ndihmuar në ndalimin e krizës së anijeve që sjellin emigrantë të paligjshëm.
E-Diaspora
-
Kaq mërgimtarë u regjistruan deri më 9 maj Ushtruesi i detyrës së drejtorit ekzekutiv të Agjencisë së Statistikave të Kosovës, Avni Kastrati, u shpreh...
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
Jeta në Zvicër
-
Kompania e tre vëllezërve Aliti “a3 Haustech AG” ndriçon shtëpitë zvicerane Nga shtëpitë e banimit, ndërtesat banesore, e deri te hotelet, janë objekte për të cilat kompania...
-
Kujdes nga mashtrimi i ri SwissPass në Zvicër
-
Ky rajon në Zvicër pritet të marrë emër të ri
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
Nemo performoi për Zvicrën në Eurovision