Dokumentari që tregon si dëbohen shqiptarët nga Gjermania

22 mijë azilkërkues shqiptarë janë dëbuar nga Gjermania. Komandot speciale vijnë natën vonë, i zgjojnë nga gjumi dhe i vendosin në aeroplan

Dokumentari “Deportation Class” tregon se si dëbohen shqiptarët nga Gjermania drejt vendlindjes së tyre.

22 mijë azilkërkues shqiptarë janë dëbuar nga Gjermania. Komandot speciale vijnë natën vonë, i zgjojnë nga gjumi dhe i vendosin në aeroplan, raporton “TCH”.

Dokumentari “Deportation Class”, prodhimi gjerman i ka dedikuar 1 orë e 30 minuta historisë së dëbimit të shqiptarëve nga Gjermania, përcjell albinfo.ch.

Ky dokumentar tregon në mënyrën se si janë dëbuar shqiptarët azilkërkues nga Gjermania përmes një plani të detajuar: që nga planifikimi i dëbimit kolektiv, mbërritja në mes të natës në banesat e tyre e deri tek ardhja në vendin e origjinës, në Shqipëri.

Dy regjisorët gjermanë, Carsten Rau dhe Hauke Wendler kanë ndjekur nga afër dëbimin kolektiv që i është bërë shqiptarëve në Mecklenburg-Vorpommern. Në “Deportation Class”, ata përshkruajnë ndjenjat e mendimet e të kthyerve duke i shfaqur ata si njerëz me dinjitet.

Dokumentari është shfaqur në festivalin e Munihut në muajin maj, ku edhe është vlerësuar nga kritika.