Droni tregon përmasat e krizës së refugjatëve në kufirin Maqedoni-Greqi

Xhirimet e dronit tregojnë për shkallën e krizës së refugjatëve në kufirin verior grek me Maqedoninë.

Fotografi Sakis Jumbasis ka filmuar “qytetin e çadrave” në Idomeni, i cili shërben si shtëpi e përkohshme të 7000 refugjatëve dhe emigrantëve që përpiqen të arrijnë Evropën Perëndimore në kërkim të një jete më të mirë.

Maqedonia së fundmi ka ndaluar hyrjen e afganëve në vend.

Site njoftonte se të hënën policia maqedonase u përgjigj me gaz lotsjellës kur emigrantët dhe refugjatët u përpoqen të kalojnë dhunshëm kufirin, i cili ishte mbyllur.

Pothuajse 2.000 refugjatë dhe emigrantë vijnë çdo ditë në Evropë nga deti në dy muajt e parë të vitit 2016, sipas statistikave të Organizatës Ndërkombëtare për Migrim (IOM).

Organizata parashikon se këtë vit në Evropë do të kalojnë 1 milion refugjatë, sikur më 2015.

Presidenti i Komisionit Evropian, Donald Tusk, u bëri thirrje vendeve anëtare të BE-së të punojnë së bashku për zgjidhjen e krizës së imigrantëve, duke thënë se mungesa e unitetit po dëmton besimin mes tyre.

Presidenti i Komisionit Evropian paralajmëroi imigrantët se rreziku i udhëtimit në Evropë nuk ia vlen. Pas një takimi me kryeministrin e Greqisë, Alexis Tsipras, në Athinë, zoti Tusk u bëri thirrje imigrantëve të paligjshëm të qëndrojnë larg Evropës.