Lifestyle
Dua Lipa shkëlqen në premierën e filmit “Alita”
Dua Lipa mahniti publikun me stilin e saj në premierën botërore të filmit “Alita: Battle Angel”, në Londër. Ylli i muzikës, e cila është përgjegjëse për kolonën zanore të filmit, e rrëmbeu qendrën e vëmendjes teksa parakaloi mbi qilimin e kuq të shtruar për këtë ngjarje glamuroze hollivudiane.
Pas 15 vjetëve në realizim e sipër dhe shtyrjes së datës së lansimit disa herë, filmi fantastik shkencor “Alita: Battle Angel”, më në fund arriti në ekran të madh. Filmi e shënoi premierën botërore në Londër, të enjten mbrëma. Ekipi i aktorëve dhe krijuesve të filmit qe i pranishëm në këtë premierë, së cilës glamurin e vërtetë ia solli bukuroshja kosovaro-britanike, Dua Lipa, e cila e ka realizuar kolonën zanore të filmit. Dua Lipa, e cila në premierë shoqërohej nga i dashuri i saj, Isaac Carew dhe babai Dukagjin Lipa, tha se ndihet e nderuar që ishte pjesë e këtij projekti gjigant hollywoodian.
I bazuar në një tregim japonez të animacionit, që flet për një heroinë robotike në një botë pas apokalipsit, “Alita: Battle Angel”, ishte një projekt me pasion për regjisorin e filmit “Avatar”, James Cameron, për vite të tëra, para se t’ia dorëzonte atë mikut dhe kolegut të tij Robert Rodriguez, përcjell albinfo.ch.
Regjisori Rodriguez tha se Cameroni, i cili e ka shkruar skenarin e filmit në vitin 2004, në fakt e ka krijuar një histori, të cilën do ta kuptojnë të gjithë njerëzit anembanë botës, edhe nëse nuk kanë njohuri rreth animacioneve të famshme japoneze të njohura me emrin Manga. Edhe pse ky lloj i artit në të kaluarën ka pasur vështirësi të depërtojë tek audienca perëndimore, Cameron i cili është skenarist dhe producent i këtij projekti, tha që filmi “Alita” është më ndryshe. “Alita: Battle Angel” do të fillojë së shfaquri nëpër kinematë e Britanisë së Madhe nga 6 shkurti, ndërsa në Shtetet e Bashkuara të Amerikës nga 14 shkurti.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale