Dy të arrestuar shqiptarë për vrasjen e shqiptarit në Gjermani

KEYSTONE/EPA/SASCHA STEINBACH

Ditë më parë është raportuar një shqiptar i vdekur në Krefeld.

Policia gjermane arrestoi dy mërgimtarë shqiptarë nga ambienti i drogës. 45 orë më vonë, një gjykatës i dërgoi të dyshuarit (20, 26) në paraburgim për vrasje nga pakujdesia, përcjell albinfo.ch.

Mediat gjermane shkruajnë se dy shqiptarët janë futur në rrjetë gjatë një operacioni rutinë.

Raportohet se vetëm 1.5 kilometra larg vendit të krimit në Garnstrasse u vu re një 20-vjeçar pasi kërkohej për një procedurë tjetër. Duke qenë se shoqëruesi i tij (26) mund të konsiderohej bashkëpunëtor në këto hetime, të dy personat u arrestuan.

Policia më pas kontrolloi një lidhje me vrasjen aktuale. U vërtetuan provat e besueshme ndaj dy shqiptarëve, të cilat justifikonin dyshimin se duhej të kishin qëlluar bashkëkombasin e tyre.

Shqiptari ishte i njohur për policinë për vepra të ndryshme (drogë, vjedhje).

Ndërkohë, viktima, e cila jeton në Gjermani që nga viti 2018, ishte narkoman. Ai nuk kishte apartament, por qëndroi kryesisht në Krefeld.

Kryeprokurori publik, Axel Stahl: “Sipas statusit aktual të hetimit, mund të përjashtohet se njeriu ka qenë një viktimë e rastësishme”. Motivi i veprës së përgjakshme është i paqartë. Stahl: “Ne po hetojmë në të gjitha drejtimet”. /Albinfo.ch