Edhe Torino e kërkon Berishën

Portieri i Kombëtares shqiptare, Etrit Berisha, po kërkohet edhe nga Torino, pasi ai nuk po ka hapësirë te Lazio

 Etrit Berisha është gjithnjë e më larg Lazios, pasi nuk po ka hapësira. Një nga skuadrat e interesuara për të është Torino, që ka siguruar mbijetesën edhe për një vit, shkruan “tuttomercatoweb.com”, përcjell albinfo.ch.

Torino po kërkon një portier për edicionin e ardhshëm dhe në krye të listës është Berisha, kurse si alternativë e dytë pas tij shihet Lukasz Skorupski, portieri i Empolit që është huazuar te Roma.

Berisha ka qenë ndër më meritorët që Shqipëria u kualifikua për herë të parë në një Evropian, derisa është shpresë e madhe e kuqezinjve edhe në Francë.