Elina Duni në festivalin “Jazzahead” në Bremen

Faqja e këtij festivali jazzahead.de e ka vlerësuar Elina Dunin si këngëtaren më të mirë të xhazit në Evropë

Këngëtarja shqiptare e muzikës xhaz, Elina Duni dhe kuarteti i saj, “Elina Duni Quartet”, do të prezantohen në festivalin prestigjioz të muzikës xhaz, Jazzahead i cili do të mbahet në Bremen të Gjermanisë.

Ky festival mbahet mes datave 7-24 prill dhe do të mbledhë 40 bende muzikore nga 16 shtete, shkruan në faqen e këtij festivali.

Në çdo natë të festivalit do të paraqiten grupe nga shtete në ndryshme, ndërsa Elina do të përformojë më 21 prill kur edhe do të jetë nata zvicerane.

Faqja e këtij festivali jazzahead.de e ka vlerësuar Elina Dunin si këngëtaren më të mirë të xhazit në Evropë, transmeton “albinfo.ch”.

Muaj më parë ajo ka promovuar albumin e saj “Dallëndyshe” i cili është mirëpritur jashtëzakonisht mirë.