Lajme
Falimentimet e bizneseve në BE, në nivelin më të lartë që nga viti 2015
Në tremujorin e dytë të vitit 2023 numri i deklaratave të falimentimit të bizneseve të BE-së u rrit për të gjashtin tremujor radhazi.
Krahasuar me tremujorin e mëparshëm, numri i falimentimeve është rritur me 8.4% dhe ka arritur kështu nivelin më të lartë, që nga fillimi i mbledhjes së të dhënave më 2015.
Kur bëhet fjalë për regjistrimet e bizneseve të reja, krahasuar me tremujorin paraardhës, pas një rritjeje prej 2% në tremujorin e parë të vitit, këto janë ulur lehtësisht me 0,6% në tremujorin e dytë 2023. Në përgjithësi, që nga viti 2023, numri i regjistrimeve të bizneseve ka qenë më i lartë se në periudhën 2015-2022.
Deklaratat e falimentimeve u rritën më së shumti në shërbimet e akomodimit dhe ushqimit në TM2 2023.
Duke parë konkretisht falimentimet sipas aktivitetit, të gjithë sektorët e ekonomisë shënuan rritje të numrit të falimentimeve në tremujorin e dytë të vitit 2023, krahasuar me tremujorin paraardhës.
Shërbimet e akomodimit dhe ushqimit (+23,9%), transporti dhe magazinimi (+15,2%) dhe arsimi, shëndetësia dhe aktivitetet sociale (+10,1%), ishin sektorët me rritjen më të lartë të numrit të falimentimeve në tremujorin e dytë të 2023-ës, krahasuar me tremujorin e mëparshëm.
Krahasuar me tremujorin e katërt para pandemisë 2019, numri i deklarimeve të falimentimeve në tremujorin e dytë 2023 ishte më i lartë në shumicën e sektorëve të ekonomisë.
Rritjet më të mëdha të numrit të falimentimeve, krahasuar me tremujorin e katërt 2019, janë shënuar në shërbimet e akomodimit dhe ushqimit (+82,5% dhe transportit dhe magazinimit (+56,7%).
Në të kundërt, në tremujorin e dytë të 2023, kishte vetëm dy sektorë të ekonomisë ku numri i deklarimeve të falimenteve, ishte më i ulët se në tremujorin e katërt para pandemisë 2019: industria (-11,5%) dhe ndërtimi (-2,7%).
Krahasimi tremujor sipas shteteve anëtare
Duke krahasuar tremujorin e dytë të 2023, me tremujorin e parë të 2023, midis shteteve anëtare për të cilat disponohen të dhëna, rëniet më të mëdha në regjistrimet e bizneseve të reja, u vunë re në Poloni (-11,3%), Bullgari (-9,1%) dhe Danimarkë (-9%).
Rritjet më të mëdha në regjistrimet e bizneseve të reja, janë vërejtur në Irlandë (+50,9%), Sllovaki (+30,2 %) dhe Gjermani (+9,6%).
Duke krahasuar tremujorin e dytë të vitit 2023, me tremujorin e parë të 2023, rritjet më të larta në deklaratat e falimentimit, u vunë re në Hungari (+40,8%), Letoni (+ 24,8%) dhe Estoni (+ 24,6%).
Uljet më të mëdha në numrin e deklarimeve të falimentimeve, u regjistruan në Qipro (-48,5%), Kroaci (-23,6%) dhe Danimarkë (-15,9%). / Eurostat
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore