Federata Zvicerane e Futbollit kritikon Kosovën

Federata e Futbollit e Zvicrës e ka akuzuar atë të Kosovës se po tenton t’ia marrë lojtarët e saj. “Federata e Futbollit e Kosovës në vend që të formojë lojtarë të saj, po mundohet që t’i bindë lojtarët tjerë kosovarë që të luajnë për Përfaqësuesen e tyre"

Peter Gillieron, Praesident Schweizer Fussballverband (SFV), und SFV Generalsekretaer Alex Miescher, von links, aeussern sich zu den Vorkommnissen rund um den Cupfinal vom Ostermontag am Donnerstag, 1. Mai 2014, in Bern. (KEYSTONE/Lukas Lehmann)

Debati për futbollistët kosovarë të Zvicrës po vazhdon edhe më tutje. Granit Xhaka shkroi një letër publike për tifozët shqiptarë që e kritikuan se pse nuk zgjodhi Kosovën, derisa tashmë është vetë Federata e Futbollit e Zvicrës (SFV), që ka lëshuar një komunikatë për media, shkruan albinfo.ch.

Në këtë komunikatë është kritikuar Kosova, që po dëshiron t’ia marrë lojtarët e saj.

“Federata e Futbollit e Kosovës në vend që të formojë lojtarë të saj, po mundohet që t’i bindë lojtarët tjerë kosovarë që të luajnë për Përfaqësuesen e tyre para kualifikuesve të Kupës së Botës. Kjo ka shkaktuar shumë komente emocionale nga shumë anë, në mesin e tyre dhe të lojtarëve dhe të familjarëve. Ata kanë qenë në presion të madh. Federata dënon mendimet shpifëse dhe fyese. Kjo situatë duhet të sqarohet nga FIFA menjëherë.

Federata jonë është e vendosur që të respektojë mendimet e lojtarëve të cilët kanë qenë të përfshirë në Evropian dhe nuk mund të luanin për Kosovën. Ne bëjmë thirrje për drejtësi dhe respekt. Futbollistët me rrënjë nga Kosova apo çdo shtet tjetër janë të respektuar këtu dhe kanë shfaqur publikisht falënderimin për ndihmën e Zvicrës në situata vërtetë të vështira, duke mos mohuar kurrë origjinë. Kjo vlen edhe për familjarët e tyre”, thuhet në reagimin e federatës zvicerane.