FIFA dënon Shqipërinë me 30 mijë franga zvicerane

Me 30 mijë franga zvicerane do të gjobitet Shqipëria për sjellje të pahijshme të tifozerisë së saj, për ndezjen e flakadanëve dhe koreve politike në ndeshjen me Maqedoninë

albinfo.ch:Tifozet Kuq e Zi

Federata Shqiptare e Futbollit sërish është dënuar nga FIFA, përkatësisht nga Komisioni i Disiplinës, shkruan albinfo.ch.

Shqipëria është dënuar për sjelljet e tifozëve Kuq e Zi në ndeshjen ndaj Maqedonisë, që është zhvilluar muajin e kaluar në kuadër të Botërori ‘Rusia 2016’. Ky takim përfundoi 1:1.

“Me 30 mijë franga zvicerane do të gjobitet Shqipëria për sjellje të pahijshme të tifozerisë së saj, për ndezjen e flakadanëve dhe koreve politike në ndeshjen me Maqedoninë dhe futjen e tyre me vonesë si në pjesën e parë, ashtu edhe në të dytën”, thuhet në njoftimin e FIFA-së.

Për Shqipërinë, tashmë këto dënime janë bërë të zakonshme, pasi nuk është hera e parë që dënohet, madje disa herë i është tërhequr vërejtja.