Fluks nga Kosova për fundjavë në Shqipëri

Shqipëria mbetet një nga destinacionet kryesore të qytetarëve të Kosovës, jo vetëm për të kaluar pushimet sezonale, por edhe për fundjavë.

Që prej mëngjesit të kësaj të diele janë regjistruar të paktën 1.000 shtetas shqiptarë të Kosovës që kanë kaluar kufirin për në Shqipëri, shkruajnë mediat shqiptare.

Dogana e Morinit po punon me kapacitet të plotë, me pesë sportele në dispozicion të qytetarëve, përcjell albinfo.ch.

Nga raportimet e Policisë Kufitare, gjatë fundjavës kanë hyrë nga Kosova për në Shqipëri mbi 7.000 shtetas.