Forcat ajrore të Zvicrës do të stërviten së bashku me Forcat ajrore të SHBA-së

(KEYSTONE/Martin Ruetschi)

Nëse shihni ndonjë aktivitet të pazakontë në qiellin e Zvicrës këtë javë, mos u shqetësoni, përcjell albinfo.ch.

Nga sot e deri të enjten, Forcat ajrore të Zvicrës do të stërviten së bashku me Forcat ajrore të SHBA-së në Zvicër.

Avionët zviceranë F/A-18 do të ngrihen nga baza e tyre në Payerne (VD), ndërsa avionët luftarakë amerikanë F-16 do të fluturojnë nga Aviano, Itali.

“Trajnimi i përbashkët është pjesë e bashkëpunimit të gjatë midis dy forcave ajrore në fushën e arsimit dhe trajnimit”, tha Departamenti Federal i Mbrojtjes në një deklaratë për shtyp të hënën.