Frëngjishtfolësit, të prirur nga lutjet e tyre shpirtërore për të kuruar gripin

Gjermanishtfolësit preferojnë të besojnë në mjekësi

Zvicra është në grahmat e epidemisë së gripit tani, por mënyra se si trajtohet kjo sëmundje ndryshon midis gjermanishtfolësve të vendit dhe frëngjisht, përcjell albinfo.ch.

Një sondazh nga SonntagsBlick, i publikuar të dielën, tregon se shumë njerëz në kantonet frëngjishtfolëse mbështeten te shëruesit shpirtërorë – të cilët trajtojnë sëmundjet nga distanca me një lutje të fshehtë – për t’i kuruar ato.

Ndërsa nuk ka asnjë shpjegim shkencor për këtë formë të shërimit në distancë, në Zvicrën frëngjishtfolëse, të gjitha shtresat e shoqërisë dhe të gjitha grupmoshat e përdorin atë, raportoi gazeta.

Edhe spitalet kanë lista të shëruesve dhe ua ofrojnë pacientëve nëse kërkohet.

Megjithatë, kjo praktikë “shihet si e çuditshme” në rajonet zvicerane-gjermane, ku njerëzit janë më skeptikë ndaj shëruesve dhe preferojnë të besojnë në mjekësinë konvencionale.

---