Futbollistët e Zvicrës, papritur bëhen të gjithë bjondë!

Prej nesër dalin në shitje fotot e njohura të futollistëve «Panini», të cilat mblidhen dhe ngjiten në albume. Është interesante se në fotografite e kësaj serie, pothuajse të gjithë lojtarët e kombëtares së Zvicrës dalin më bjondë se që janë, transmeton albinfo.ch. Në të vërtetë disa prej tyre”në origjinal” janë më tepër zeshkanë ose brunë, por në fotot në fjalë ata dalin «të zbardhuar».

Aq janë ndryshuar sa që, siç vëren blick.ch, «duket sikur fotografitë të kenë qëndruar disa ditë në diell.

Tashti, a është problemi te ndonjë gabim teknik, te fotoshopi apo…? Prodhuesit e Panini-t arsyetohen se kjo ndodh pasi që letra ku janë shtypur këto fotografi është e metalizuar.

Panini ka publikuar dhe ka vënë në qarkullim serinë me otografitë e lojtarëve të të gjitha kombëtareve që marrin pjesë në Evropianin 2016.