Futbollistët shqiptarë të Zvicrës të pakënaqur me rezultatin

Valon Behrami, Granit Xhaka, Admir Mehmedi dhe Xherdan Shaqiri, ishin të pakënaqur me një pikë, duke thënë se merituan fitoren

Futbollistët shqiptarë të cilët luajnë për Përfaqësuesen e Zvicrës janë shprehur të zhgënjyer që nuk arritën të fitonin tri pikë me Rumaninë. Kjo ndeshje përfundoi 1:1, ku Admir Mehmedi shënoi golin e barazimit, derisa Granit Xhaka, u shpall lojtari i ndeshjes. Albinfo.ch ju sjell deklaratat e tyre.

Valon Behrami: “Jam i zhgënjyer me rezultatin 1:1. Kjo është me të vërtetë për të ardhur keq. Fillimi nuk ishte i mirë. Ne kemi rrezikuar shumë dhe u ndëshkuam për këtë”.

Granit Xhaka: “Ishte loja jonë më e mirë për një kohë të gjatë, por kaq shumë shanse nuk duhet të mos shfrytëzohen në një ndeshje të tillë. Dhe pastaj vjen dënimi. Të paktën kemi treguar karakter dhe jemi kthyer në lojë. Tani kemi lojën me Francën. Kjo është ndeshje e madhe.

Admir Mehmedi: “Ne kishim një paraqitje shumë të mirë, por nuk jemi shpërblyer aq sa duhet. Kam goditur fort dhe për fat të mirë, topi shkoi siç duhet”.

Xherdan Shaqiri: “Nuk ishte e lehtë kundër një kundërshtari me mbrojtje të fortë. U mundova të shënoj gërshërë, por ishte i pafat”.