Gjenden dy meshkuj të vrarë, dyshohen bashkëshortet e tyre

Kufomat e dy meshkujve, njeri 26 dhe tjetri 56 vjeç janë gjetur mëngjesin e sotëm në një banesë në Hemmental të Kantonit Shaffhausen. Bëhet fjalë për dy shtetas zviceranë, të dy të vrarë nga therjet me thikë, thuhet në një njoftim të policisë.

Vrasjet janë bërë në banesën e 56 vjeçarit.

Në bazë të njoftimeve të para, mendohet se këto dy vrasje janë bërë në mesin e familjarëve, gjegjësisht si dorase dyshohen bashkëshortet e dy të vrarëve. Ato, nënë e bijë, janë arrestuar si të dyshuara. Hetimet vazhdojnë.

Siç shkruajnë mediet zvicerane, në mes të dy të vrarëve ka pasur në vazhdimesi mosmarrëveshje po edhe konflikte fizike. I fundit ka ndodhur para rreth një muaji me ç`rast ata ishin përgjakur dhe ishte dashur të ndërhnte policia.