Gjeneva do të fikë ndriçimin e rrugëve kantonale

Në javët e ardhshme, Departamenti i Shëndetësisë dhe Lëvizshmërisë së Gjenevës do të fikë ndriçimin në rrugët kantonale gjatë natës.

Kjo do të bëhet për një vit provë, shkruajnë mediat zvicerane, përcjell albinfo.ch.

Projekti do të shtrihet gradualisht në gjithë Gjenevën deri në fund të vitit 2024.

Qëllimi? Për të përmirësuar gjumin – dhe për rrjedhojë mirëqenien – të banorëve dhe për të ruajtur jetën e egër të natës.

Por, disa komuna nuk janë entuziaste për këtë ide, pasi kanë frikë për sigurinë e shoferëve.

Departamenti i Shëndetësisë dhe Lëvizshmërisë siguron se “përveç mbylljeve, do të kryhet një fushatë ndërgjegjësimi midis përdoruesve të rrugës”.

Në vitin 2022 tashmë ishin kryer fikje të lokalizuara për të kursyer energjinë.

---