Gjermanët nuk kanë më interesim për Zvicrën

Sipas ekspertëve, arsyeja për këtë rënie është zhvillimi ekonomik në Gjermani si dhe në Zvicër

Në tre muajt e parë të 2018-ës pothuajse 5 mijë shtetas gjermanë emigruan në Zvicër, siç tregojnë shifrat e fundit nga Sekretariati Shtetëror për Emigracionin SEM, shkruan albinfo.ch.

Në të njëjtën periudhë të vitit të kaluar kishte edhe më pak, duke treguar se imigrimi nga Gjermania ka shënuar rënie vite me radhë.

Sipas ekspertëve, arsyeja për këtë rënie është zhvillimi ekonomik në Gjermani si dhe në Zvicër.

Kjo mund të çojë në probleme në tregun e punës në Zvicrë, duke përfshirë kujdesin shëndetësor.

Në fund të vitit 2017 Zvicra kishte mbi 5.000 shtetas gjermanë shtesë krahasuar me vitin e kaluar. Pra, më shumë gjermanë erdhën sesa u larguan. Megjithatë, imigrimi i gjermanëve ka rënë për disa vjet. Krahasuar me vitin 2008 të migrimit, ky plus është rreth gjashtë herë më i vogël.

Arsyeja kryesore pse gjermanët nuk kanë interesim në Zvicër është zhvillimi ekonomik në të dy vendet, thotë Simon Wey nga Shoqata e Punëdhënësve zviceranë. “Një prej arsyeve mund të jetë se ekonomia në Gjermani u rrit më shpejt se në Zvicër”.

Gjermania përsëri mund të ofroj punëtorë të mirë. Për shkak se profesionistët shpesh të trajnuar mirë do të largohen përsëri, kjo mund të jetë një problem për kompanitë zvicerane, thotë ekonomisti i tregut të punës. “Këta njerëz konsiderohen jashtëzakonisht të lëvizshëm dhe zgjedhin vendndodhjen që është më tërheqëse për ta në çdo aspekt”.