Gjermania ndërmjetëson konfliktin Serbi-Kosovë

Muaj më parë ishte kryeministri shqiptar Edi Rama, i cili në parlament kishte deklaruar se do të kërkonte ndihmën e Gjermanisë për çështjen e linjës së interkonjeskonit të transmetimit të energjisë mes dy vendeve

Keystone

Qeveria e Gjermanisë është vënë në lëvizje për zgjidhjen e konfliktit mes Serbisë dhe Kosovës, për çështjen e linjës së interkonjeskonit të transmetimit të energjisë mes dy vendeve.

Berlini zyrtar kërkon përshpejtimin e zgjidhjes së mosmarrëveshjes dhe përmes një shkrese zyrtare Ministria e Bashkëpunimit dhe Zhvillimit Ekonomik të Gjermanisë i është drejtuar Sekretariatit të Energjisë në Vjenë për zhbllokimin e situatës, shkruan “TCH”.

Muaj më parë ishte kryeministri shqiptar Edi Rama, i cili në parlament kishte deklaruar se do të kërkonte ndihmën e Gjermanisë për këtë konflikt, përcjell albinfo.ch.

Shteti gjerman është veçanërisht i shqetësuar, pasi mosmarrëveshjet po mbajnë peng investimet në sektorin e energjisë në rajon dhe po bllokojnë integrimin e tregut rajonal të energjisë në Ballkanin Perëndimor.

Serbia në fakt nuk po lejen përdorimin e kësaj linje, e cila i shërben jo vetëm këtyre vendeve, por gjithë rajonit, përfshirë Shqipërinë. Kështu, sasitë e energjisë që mund të kalojnë nga Serbia përmes Kosovës në drejtim të Shqipërisë nuk mund të vijnë, duke bërë që linja e interkonjeksionit mes dy vendeve shqipfolëse të jetë jashtë përdorimit. Qeveria gjermane ka qenë financuese e këtij projekti me 75 milionë euro.

Tani është qeveria gjermane që kërkon që kjo çështje të zgjidhet sa më parë, duke marrë dhe rol negociues.