Gjobitet 300 milionë euro kompania e taksive Uber, shkeli regullat e privatësisë

Keystone

Kompania e shërbimit të taksive Uber është gjobitur me 300 milionë euro nga Holanda, pasi transferoi të dhënat e shoferëve në SHBA.

Të dhënat përfshinin licencat e taksive, detajet e llogarisë dhe pagesës, ID-të, fotot, madje edhe të dhënat kriminale ose mjekësore.

Hetimi u nxit nga një ankesë nga një grup prej 170 shoferësh francezë që ishin pjesë e organizatës “Ligue des droits de l’Homme“ (LDH).

LDH më pas paraqiti një ankesë pranë mbikëqyrësit të mbrojtjes së të dhënave të Francës, CNI, transmeton euronews, përcjell albinfo.ch.

Kjo është gjoba e tretë që mbikëqyrësi holandez i vendos Uber.

Në vitin 2018, DPA goditi kompaninë me 600,000 euro për dështimin në njoftimin e agjencisë në kohë për një shkelje të të dhënave më 2016.

Dhe që nga janari i këtij viti, Uber po përballet gjithashtu me një gjobë prej 10 milionë euro (përsëri) për shkeljen e rregullave të privatësisë.