Kriza në Ukrainë

Gjysmë milioni tonë drithë janë eksportuar deri më tani nga Ukraina

E martë, 16 Gusht 2022 - 22:35 albinfo.ch

Më shumë se gjysmë milioni tonë drithë janë eksportuar nga Ukraina përmes Detit të Zi që nga fillimi i gushtit. Lajmi vjen nga Kombet e Bashkuara.

Që kur Ukraina, Rusia, Turqia dhe OKB ranë dakord për të hapur rrugën e Detit të Zi në fund të korrikut, 36 kalime janë miratuar, tha OKB, duke shtuar se 21 anije u larguan nga Ukraina për në ngushticën e Bosforit dhe 15 kaluan përmes kanalit në drejtimin e vendit të shkatërruar nga lufta.

Të martën nga porti i Odesës u nis anija e parë me grurë, e marrë me qira nga OKB, e cila destinacion ka Afrikën, ku në shumë zona uria ka ardhur në rritje edhe për shkak të bllokadës së grurit.