Grabitet një filial i Teb Bankës në Prishtinë 

Një grabitje e armatosur ka ndodhur në filialin e bankës TEB në Çagllavicë, në magjistralen Prishtinë-Ferizaj. Policia e Kosovës thotë se dyshohet se grabitja u krye nga katër persona. “Menjëherë pas marrjes së këtij informacioni, strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore, përcjell albinfo.ch

Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se kjo grabitje është realizuar nga katër persona të dyshuar dhe të armatosur”, thuhet në njoftim. 

Policia  po ashtu ka njoftuar se të dyshuarit pas grabitjes janë larguar nga vendi i ngjarjes me një veturë, e cila është identifikuar nga ana e policisë.