Lajme

Grenell: Njohja e Kosovës nga Izraeli, një ditë e mrekullueshme

E hënë, 1 Shkurt 2021 - 16:00 albinfo.ch

FILE PHOTO: U.S. Ambassador to Germany Richard Grenell arrives for a ceremony in Berlin, Germany, November 9, 2018. REUTERS/Fabrizio Bensch/File Photo

Para pak çastesh Kosova dhe Izraeli kanë lidhur marrëdhënie diplomatike mes vete përmes një ceremonie zyrtare të organizuar në formë online, përcjell albinfo.ch.

Nga kjo njohje ka reaguar edhe ish-ambasadori i Shteteve të Bashkuara në Gjermani dhe dikur i dërguari i posaçëm i ish-presidentit Trump për dialogun mes Kosovës dhe Serbisë, Richard Grenell.

Grenell përmes një postimi në Twitter tha se kjo është një ditë e mrekullueshme, gjersa falënderoi ministren e Punëve të Jashtme, Meliza Haradinaj-Stublla, ish-presidentin e SHBA-së, Donald Trump, Ministrinë e Punëve të Jashtme të Izraelit dhe Sekretarin e Shtetit, Anthony Blinken.