Grevë në Policinë e Kosovës

Jeff Hovenier, Twitter

Flota Operative dhe punëtorët e Departamentit Mbështetës Operativ të Policisë së Kosovës për të shprehur pakënaqësitë për pagat, përkatësisht për mosrregullimin e vlerës së koeficienteve sipas pozitave të tyre, do të jenë në grevë nga ora 08:00 deri në orën 16:00.

Kryetari i Sindikatës së Policisë së Kosovës, Imer Zeqiri, thotë se kjo protestë do të ndikojë edhe në punën e Policisë së Kosovës, sipas të cilit nuk mund të funksionojnë pa këto dy grupe, përcjell albinfo.ch.

Zeqiri tha se Ministria e Punëve të Brendshme ka tre muaj prej kur ka premtuar se do të rregullojë vlerën e koeficientit për punëtorët, tha Zeqiri për Kosovapress.

Sipas tij, numri i punëtorëve që do të protestojnë është rreth 100. Zeqiri tha se këtyre punëtorëve iu ka humbur durimi të presin më gjatë.

Ai në fund shtoi se me Ligjin e punës, zyrtarët policorë nuk kanë të drejtë të hyjnë në grevë. Ligji për paga, i cili është në fuqi nga muaji shkurt, kishte përcaktuar vlerën e koeficientit të pagës në sektorit publik prej 105 euro.

Megjithatë, më 7 prill Avokati i Popullit e ka dërguar në Gjykatën Kushtetuese Ligjin për paga, përcjell albinfo.ch.