Gruaja e parë në ushtrinë zvicerane e cila do të pilotojë një aeroplan luftarak

“Doja të bëja këtë punë dhe isha e gatshme të bëja gjithçka për të arritur atje”, thotë ajo

Foto e ushtrisë zvicerane

Një grua nga kantoni i Vaudit do të bëhet gruaja e parë pilote në Zvicër, që do të pilotojë një aeroplan luftarak të Zvicrës, sapo të përfundoi trajnimin vitin e ardhshëm, shkruan “The Local”.

Më 15 dhjetor, togerja e parë, Fanny Chollet së bashku me shtatë trajnues janë certifikuar si pilotë profesionist ushtarak dhe tani mund të vazhdojnë tranimin shtesë për të mësuar se si të pilotojë një aeroplan luftarak F/A-18, përcjell albinfo.ch.

Pas përfundimit, Chollet do të bëhet gruaja e parë në ushtrinë zvicerane e cila do të pilotojë një aeroplan luftarak.

26-vjeçarja nga Saint-Légier ka dashur të jetë një pilote që nga mosha 17 vjeçare.

“Doja të bëja këtë punë dhe isha e gatshme të bëja gjithçka për të arritur atje”, thotë ajo.

Ajo kishte filluar trajnimin e saj si pilote më 2012 dhe gjithashtu ishte pajisur edhe me një diplomë përgjatë rrugës.