Hyka po shkëlqen në Superligën zvicerane

Ky është goli i gjashtë këtë sezon për mesfushorin shtatshkurtër të Kombëtares Shqiptare

https://vid.me/er94

Mesfushori i Kombëtares shqiptare, Jahmir Hyka po kalon një moment pozitiv në karrierën e tij me skuadrën e Luzernit, shkruan albinfo.ch

Mesfushori shënoi një tjetër gol në Superligën zvicerane edhe pse pa vlera për skuadrën e tij sepse u mund me rezultatin 3:1 nga Sioni.

Vetëm një javë më parë, Hyka u përfshi në formacionin e javës në Zvicër, ndërsa të dielën realizoi golin e vetëm për skuadrën e tij.

Hyka e nisi ndeshjen nga banka rezervë dhe hyri në fushë menjëherë pas rikthimit të skuadrave në fushën e lojës. Në të 76-ën, në rastin e vetëm të Lucernit, ai u tregua i saktë duke realizuar në këtë mënyrë golin e nderit për skuadrën e tij në sfidën direkte për një biletë evropiane.

Ky është goli i gjashtë këtë sezon për mesfushorin shtatshkurtër të Kombëtares Shqiptare.