I dehur, një adoleshent shkatërron makinën e nënës së tij

Një djalosh 14-vjeçar ka shkaktuar shqetësime të mëdha gjatë natës së martë pasi që kishte vjedhur makinën e nënës së tij. Ndërsa ishte në timonin e makinës, ai është larguar nga rruga për t’u përmbysur disa herë në lagjen Baldegg (LU). Adoleshenti doli pa u lënduar,por automjeti i nënës është shkatërruar plotësisht. Djaloshi kishte një nivel të alkoolit në gjak prej 1.22 pro milë.

Dëmet llogariten të arrijnë deri në 12.000 franga, pohon për media policia e Lucern-it. Pak para mesnate, adoleshenti kishte arritur të vjedhë çelësat e makinës së nënës. Pas disa kilometrave në rrugë ai humb kontrollin e automjetit dhe godet një mbrojtëse. Makina pastaj rrotullohet disa herë para se të ndalet.