IKEA bën thirrje për kthim të llambave GOTHEM: janë të rrezikshme!

Kompania IKEA në bashkëveprim me Inspektoratin Federal të Energjisë Elektrike (ESTI) apelon te klientët që kanë blerë llambat e tipit GOTHEM t`i kthejnë ato në vendin e blerjes. Ky apel bëhet pasi që është konstatuar se këto llamba përbëjnë rrezik për ambientin dhe për njerëzit.

Bëhet fjalë për llambat e tavolinës dhe ato vertikale, të prodhimit të IKEA-s, te disa prej të cilave janë gjetur defekte në kabllot e tyre. Këto defekte mund tëshkaktojnë që pjesa metalike e llampës të vihet nën tension elektrik dhe kështu përbën rrezik për sigurinë.

Këto llamba: dy lloje llampash të tavolinës dhe një e tipit vertikal janë në shitje nga tetori i vitit të kaluar.

Blerësit që i kthejnë këto llampa në qendrat e shitjes të IEKA-s do të marrin në kthim çmimin e plotë të blerjes së tyre. Ata nuk kanë nevojë as të sjellin me vete dëshminë e pagesës (kassenbon).