Imami i Firencës shkakton shumë polemika në “Facebook”

Imam i Firencës, Izzedin Elzir, kishte publikuar një foto të disa murgeshave në det, duke iu referuar qartësisht polemikës së përdorimit të ferexheve në det

Për disa orë profili i tij në “Facebook” ka mbetur i bllokuar dhe pak para se “të zhdukej” në rrjetet sociale, presidenti i Unionit të Komunitetit Islamik dhe imam i Firencës, Izzedin Elzir, pikërisht përmes këtij profili kishte publikuar një foto të disa murgeshave në det, duke iu referuar qartësisht polemikës së përdorimit të ferexheve në det.

“Shpresoj që të dyja gjërat të mos kenë lidhje. Shpresoj të jetoj akoma në një vend të lirë dhe jo në një diktaturë”, shkruan ‘Blick’, përcjell albinfo.ch.

Në mesazhin e dërguar për Izzedin Elzir pas bllokimit, administratorët e rrjetit social, kanë shpjeguar që kanë pezulluar profilin pas sinjalizimeve të disa përdoruesve, që dyshonin se postimi ishte bërë nga një person inekzistent.

“Nëse publikimi i fotos dhe bllokimi i profilit janë dy gjëra të lidhura me njëra-tjetrën, do të ishte kulmi. Një gjë që nuk ndodh as në diktaturat më të ashpra. Shpresoj të mos jetë kështu, sipas disa miqve të mi ekspertë në internet, më është bërë një shaka e shëmtuar”.

Kjo vjen në një kohë jo shumë të përshtatshme, pasi në Francë, burkini është ndalur në shumë qytete, me arsyetim se dëshirojnë të ndalojnë sulme terroriste dhe pikërisht kjo është arsyeja që në Itali nuk është ndalur, pasi ka shumë debate.